Roubo de paraugas, un clásico que regresa coa chuvia
Estes furtos ás veces provocan un movemento en cadea por parte daqueles que toman a xustiza pola man, e tras sufrir o roubo do seu paraugas levan outro para repoñelo
En días coma o de hoxe o paraugas transfórmase nun tesouro especialmente atractivo para os que non se acordaron de collelo na casa. Os paraugas negros e transparentes son os preferidos polos ladróns, xa que sempre está a escusa de que os levaron confundidos.
O máis curioso deste fenómeno é que moitas vítimas toman a xustiza pola man e continúan coa cadea. Un comportamento incívico que acaba xerando outro, o de entrar cos paraugas mollados nos locais sen poñerlle funda.
Con este panorama cada vez é menos habitual usar os paraugueiros, case baleiros en plena borrasca para evitar tentacións.
