Publicador de contidos

Publicador de contidos

Investigan un roubo na capela de San Bieito do Porriño

Investigan un roubo na capela de San Bieito do Porriño

O botín é escaso pero fixeron estragos nunha capela simbólica

G24.gal 22/04/2022 13:44

Sen forzar as pechaduras, así entraron os ladróns a madrugada do mércores na capela de San Bieito do Porriño. Arrasaron co peto, cos cartos das lámpadas, estragaron a porta do sagrario e  mesmo moveron os santos de sitio. Ao patrón quitáronlle a coroa e o báculo aínda que finalmente os deixaron alí.

O peto e o lampadario apareceron nas inmediacións abertos cunha pata de cabra. O botín económico semella ser escaso, pero o roubo conmocionou a moitos porriñeses devotos deste santo, patrón da vila e avogoso dos males da pel.

Os veciños consideran que os responsables do roubo son do barrio porque mesmo buscaron nun caixón baixo o altar que moi pouca xente coñece e que estaba oculto por un tapete.

Publicidade
Publicidade
Publicidade