O papa traslada o seu apoio ás vítimas de abusos da Igrexa en Francia
León XIV comprometeuse a garantir que o mal que sufriron xamais se repita
O pontífice conclúe este luns a súa primeira visita oficial de catro días a Francia
O papa durante unha procesión no Santuario da nosa Señora de Lourdes (REUTERS/Remo Casilli)
O papa León XIV escoitou este domingo durante case dúas horas, primeiro en grupo e despois unha por unha, sete vítimas de abusos por parte do clero e reafirmoulles o seu compromiso de garantir que o mal que sufriron xamais se repita.
Foi na residencia episcopal de Lourdes, onde recibiu catro homes e tres mulleres que foron vítimas de abusos por parte de membros do clero e da Igrexa de Francia.
O pontífice escoitou as súas historias e a dor e o sufrimento que padeceron, moitas veces coa complicidade ou o silencio da súa contorna.
A todos eles lles agradeceu o seu doloroso testemuño e trasladou o seu compromiso de garantir que o mal que sufriron xamais se repita.
A cita produciuse horas despois de que León XIV pedise hoxe aos bispos franceses manteren a máxima vixilancia fronte á praga dos abusos e continuar os esforzos de prevención e reparación.
Este luns o papa trasládase a Metz para participar nun encontro interrelixioso co que pon fin á súa primeira visita oficial de catro días a Francia.
