Rompéronlle o parabrisas do coche cun sacho en Boiro

Co sacho espetado no parabrisas, e o cristal totalmente esnaquizado atopaba o propietario o coche que deixara estacionado a poucos metros da casa, na localidade coruñesa de Boiro. 

O vehículo atopábase nun camiño próximo á rúa Salvador Allende, un lugar no que está prohibido aparcar e nunha zona de locais de ocio nocturno.  O afectado presentou denuncia este luns ante a Garda Civil.

"Eu non creo que fora por problemas de aparcamento".

"Teñen a zona esa para estacionar de terra, non hai problema".

A veciñanza recibiu a noticia con sorpresa; aseguran que a convivencia é tranquila nesta zona.

"Non creo que ninguén faga iso por aquí, salvo que sexan motivos privados".

"Soprendeume a noticia nesta zona".

A investigación permanece aberta e, segundo fonte próximas, barállase a hipótese dun axuste de contas por débedas pendentes.