Unha condutora quedou ferida ao chocar contra un poste de formigón en Bergondo
O vehículo saíu da vía e chocou contra un poste de formigón e co terraplén do frontal dunha vivenda
Unha muller resultou ferida este xoves, día 4, nun accidente de tráfico ocorrido na parroquia de Lubre, en Bergondo.
O vehículo saíu da vía e chocou contra un poste de formigón e o terraplén do frontal dunha vivenda.
Segundo informa o Concello, o sinistro produciuse arredor das 8:00 horas na DP-0812, á altura da nave da empresa Intega. A condutora, engade, quedou ferida e foi trasladada ao Complexo hospitalario universitario da Coruña (CHUAC).
O dispositivo de emerxencias, engade, estivo formado por Protección Civil de Bergondo, Policía Local deste municipio, Policía Local de Sada, 061, Garda Civil e bombeiros do Consorcio Provincial do parque de Betanzos.
