Río Breogán e Leyma Coruña xogan contra equipos da zona alta

O calendario dálle pouca tregua ao Breogán. Logo de viaxar a Tenerife para xogar co cuarto clasificado, recibe no Pazo o segundo, o Unicaja. Precisamente o Breogán e o Unicaja foron os únicos dous equipos que puideron gañar na pista do Joventut, o rival, tamén este sábado do Leyma Coruña.

O equipo coruñés quere rachar a serie negativa de derrotas que está padecendo, pero en fronte terá a un grande anotador como Sam Dekker, que no partido do Coliseo anotou 30 puntos e resultou imparable para os de Epi.