Rigoberta Bandini e Rozalén, entre os concertos da seguna xornada do Festival da Luz

Desde o mediodía, a música non deixa de soar no Festival da Luz, en Boimorto. Un dos concertos máis agardados da xornada do sábado era o de Rigoberta Bandini.

"Eu vin por Rigoberta e acabo de gozar moito do concerto. E agora iremos ver un par de concertos máis". Este ano Rigoberta está moi ben e estamos esperando todos a Rozalém tamén"

Nos 3 días de festival haberá 55 concertos en 4 escenarios, pero o Festival da Luz é moito máis ca música: tamén hai gastronomía, artesanía, actividades deportivas, e obradoiros e xogos para o público infantil.

" Os pais podemos gozar da música e os nenos tamén". " É moi familiar"

"Como sempre, hai mercados de gastronomía galega, de desenvolvemento rural, as zonas infantís, escenarios novos. Este ano temos un novo aparcadoiro para autocaravanas con máis de mil prazas, ampliamos a acampada familiar", explica Farruco Castromán, da organización do festival.

Despois de Rigoberta Bandini, a música continuou no escenenario principal do Festival da Luz cos concertos de Rozalén, Herdeiros da Crus e Mondra.