Publicador de contidos

Publicador de contidos

Riazor estará cheo para recibir o filial do Real Madrid

Riazor estará cheo para recibir o filial do Real Madrid

Só quedan 500 entradas para colgar o cartel de "non hai billetes"

G24.gal 09/03/2023 14:10 Última actualización 09/03/2023 14:18

Riazor está a piques de bater outra marca de asistencia na Primeira Federación. Apenas quedan 500 entradas para colgar o cartel de "non hai billetes" cara ao partido do domingo entre o Deportivo e o filial do Real Madrid, segundo e terceiro clasificados. Case sete mil son as localidades vendidas arestora, polo que se prevé un ambiente semellante ao das grandes citas no estadio herculino.

A afección, que nunca se rende, está a poñer o seu gran de area. O club acaba de alcanzar os 25.013 socios, unha cifra impensable na categoría, e que xa só se pode comparar coas últimas que o equipo branquiazul estivo en Primeira División, cando máis do 80 % do aforo de Riazor cubríase unicamente cos carnés.

Nas 19 tempadas máis recentes, unicamente neses tres cursos entre o 2015 e o 2018, os máis recentes que xogou na máxima categoría, o cadro coruñés contou cun respaldo mesmo maior que o actual, pois en dous superou os 26.000, e na última, os 27.000.

Publicidade
Publicidade
Publicidade
Publicidade