Rexistran un sismo de magnitude 2,6 con epicentro en Ponteceso
Varios particulares contactaron co 112 Galicia minutos antes das 23 horas para sinalar que o sentiran
O Instituto Xeográfico Nacional informou ao 112 Galicia dun sismo de magnitude 2,6 con epicentro no municipio de Ponteceso, na Coruña.
O terremoto rexistrouse pouco despois das 22.30 horas da pasada noite, momento no que varias persoas contactaron co 112 Galicia para informar que o sentiran.
Unha delas, que chamou desde o municipio veciño de Cabana de Bergantiños, indicou que se sentira en varias zonas da comarca.
Con todo, o Centro Integrado de Resposta a Emerxencias non rexistrou danos por mor deste terremoto, que se suma á serie de movementos sísmicos ocorridos durante a noite do venres ao sábado na provincia de Lugo.
No #112Galicia seguimos con atención a información facilitada polo @IGN_Sismologia. A nosa central rexistrou chamadas de varios particulares que notaron este tremor con epicentro en Ponteceso.
— 112 Galicia (@112Galicia) April 26, 2026
➡️ Non se rexistraron incidencias.
📰 https://t.co/5OkXJe5SZL https://t.co/TpybJtNg5h pic.twitter.com/kl2jR5rntT
