A vacinación recupera o ritmo en España logo do festivo
Comeza 2022 con case 38 millóns de persoas vacinadas
En España, os datos de vacinación están próximos ao 90 por cento na poboación maior de 12 anos coa pauta completa. O que se reflicte en preto de 38 millóns de persoas vacinadas con dúas doses neste comezo de 2022.
Dos que xa tiñan a pauta completa, case 14 millóns teñen tamén a de reforzo en todo o territorio español. Madrid, Barcelona e Valencia, con ou sen cita previa. O sistema varía e acaba sendo o de menos para recibir a inxección.
Castela-A Mancha, Murcia e Cataluña son as zonas con menos porcentaxe de vacinación completa dentro da península, con cifras que non chegan ao 80 por cento. Por debaixo delas, as insulares Canarias e Baleares, e Ceuta e Melilla entre o 70 e o 74 por cento.
En Andalucía, co 80 por cento do proceso, tamén volveron vacinar, ata nas prazas de touros coma esta de Roquetas de Mar, en Almería.
