Rescatan un turista ferido na praia das Catedrais

Vaia susto levaron os visitantes que este domingo solleiro se achegaron ata a praia das Catedrais.

Un home tivo que ser trasladado tras fracturar a cadeira ao caer intentando saltar un charco no areal.

Trátase dun turista de Santander que estaba a pasar a festividade do 12 de outubro no concello de Ribadeo. 

Para poder sacalo da praia en padiola tiveron que axudar os bombeiros de Lugo. E tamén unha parella da Garda Civil. Levárono ao hospital de Burela.