Rescatan un mozo en Pontevedra tras caer da canoa cando navegaba polo Lérez
Unha embarcación privada auxiliouno e trasladouno ao porto deportivo en bo estado
Ponte do Burgo en Pontevedra onde caeu o mozo
Un mozo foi rescatado este domingo tras caer da súa canoa mentres navegaba polo río Lérez, na cidade de Pontevedra.
O 112 Galicia tivo coñecemento dos feitos ás 11:20 horas, momento en que unha persoa particular chamou ao centro de emerxencias para pedir axuda para unha persoa que caera da súa embarcación baixo a ponte do Burgo.
Deste xeito, desde o Centro Integrado de Atención a Emerxencias pasaron o aviso ao equipo de Emerxencias Sanitarias Galicia-061, aos Bombeiros de Pontevedra, aos axentes da Policía Local e tamén ao persoal de Protección Civil da cidade.
Minutos despois, os equipos de emerxencia confirmaron que o deportista foi rescatado por unha embarcación privada e trasladado ata o porto deportivo en bo estado de saúde.
