Rescatan o corpo dun home que apareceu aboiando no porto de Cambados
O corpo é dun home de 83 anos de idade, veciño de Cambados, que presenta signos de violencia
A voz de alarma deuna un home que casualmente pasaba cunha moto de auga polo porto de Tragove e viu o cadaver flotando contra as 11:30 deste sábado
Non constan na zona denuncias por desaparición nin tampouco se puideron determinar aínda as causas do sucedido
Porto de Tragove, Cambados, este sábado
O corpo sen vida dun home foi achado este sábado aboiando en augas do porto de Tragove, na localidade pontevedresa de Cambados, segundo confirmaron desde a Garda Civil. O corpo é dun veciño de Cambados de 83 anos, que no momento no que foi rescatado non tiña a documentación con el.
Foi un particular que navegaba cunha moto de auga pola zona do porto de Tragove ao redor das once e media da mañá o que alertou aos servizos de emerxencias e ás autoridades da presenza do cadáver desta persoa. O corpo da vítima non presenta signos de violencia.
Segundo refiren desde o instituto armado, non constan na zona denuncias por desaparición nin tampouco se puideron determinar aínda as causas do sucedido.
