Cargando resultados...
Rescatan o cadáver dun home nunha praia de Arteixo
Rescatan o cadáver dun home nunha praia de Arteixo
Un pescador que viu o corpo aboiando avisou o servizo de emerxencias
G24.gal
11/12/2022 13:08
Os bombeiros de Arteixo rescataron este domingo o corpo sen vida dun home na praia de Repibelo, no lugar do Rañal. O aviso deuno un pescador que viu o corpo aboiando.
O falecido é un veciño do municipio que, ao parecer, adoitaba pasear pola zona moitas mañás. Nas próximas horas practicaranlle a autopsia. A hipótese principal é que morreu por causas naturais.
