Rescatados os 7 tripulantes dun buque que sufriu unha escora e quedou á valga fronte á costa da Coruña
Rescatados os 7 tripulantes dun buque que sufriu unha escora e quedou á valga fronte á costa da Coruña
O helicóptero Helimer 402 de Salvamento Marítimo evacuou os mariñeiros, rescatados dos botes salvavidas por outro pesqueiro
Os sete tripulantes do pesqueiro Itoitz tiveron que ser rescatados pola embarcación Abra de Muxía despois de que o seu buque sufrira unha escora e quedase á valga.
Segundo informaron fontes de Salvamento Marítimo consultadas por Europa Press, o incidente produciuse sobre as 10:50 horas deste luns cando o Centro de Salvamento Marítimo da Coruña recibiu unha chamada a través da canle 16 de VHF do pesqueiro Abra de Muxía.
▶️ A las 10:49 h, el Centro de Salvamento de A Coruña recibió aviso por VHF del pesquero Abra de Muxía, que había rescatado a los 7 tripulantes del Itoiz, evacuados previamente a una balsa salvavidas por la acusada escora del buque, a 30 millas N de A Coruña.
— SALVAMENTO MARÍTIMO (@salvamentogob) February 9, 2026
➡️El helicóptero… pic.twitter.com/kddLfhfNJC
Na comunicación, o pesqueiro detallou que acababa de rescatar os sete tripulantes do Itoiz, que se atopaba moi escorado a unhas 30 millas ao norte da Coruña.
Foi o propio patrón do pesqueiro Itoitz quen ordenou a evacuación da tripulación a unha balsa salvavidas ante a situación do buque, que permanece sen tripulación e á valga.
O helicóptero Helimer 402 de Salvamento Marítimo realizou a evacuación dos sete tripulantes e trasladounos ao aeroporto da Coruña-Alvedro.
Unha vez en terra, un dos mariñeiros rescatados lanzaba unha mensaxe tranquilizadora: "Estamos todos ben, a pena foi o barco que non se puido salvar" e engadía que todos tiñan anos de mar e era a primera vez que lles pasaba.
O buque María Pita de Salvamento Marítimo permanece na zona para avaliar a situación e continuar co operativo.
Segundo detallan as mesmas fontes, a emerxencia está coordinada polo Centro de Salvamento Marítimo de Fisterra, baixo a dirección da Capitanía Marítima da Coruña.
