Probamos a carne da vaca máis cara que acadou un valor de 8.227 euros na feira de Silleda
O maior valor destes animais é que son criados de xeito case doméstico
No restaurante O Asador do Hórreo no Porto do Son pódese degustar parte desta vaca tan cotizada ata fin de existencias
Acudimos a unha degustación moi especial, a da vaca máis cara pagada na feira de Silleda que acadou os 8.227 euros, pero ollo que a cousa segue subindo porque hai moita demanda e pouco produto destas características. De feito esta marca de prezo no mercado xa se bateu de novo na mesma Central Agropecuaria.
O valor destes animais, que son criados de xeito case doméstico con moito agarimo, coidado e cun proceso de engorde moi lento e suave, fai que sexan exemplares únicos.
E á hora de poñela na grella, que temos que saber? O atemperado é o máis importante, que desde que se saca do frío ata que chega á brasa pasen unos 45 minutos aproximadamente, dependendo do peso e grosor da peza.
E a que sabe a carne desta vaca? Ten un sabor intenso con certo gusto a metal e unha variedade cromática dun cor viño moi intenso.
No restaurante O Asador do Hórreo no Porto do Son pódese degustar parte desta vaca tan cotizada ata fin de existencias.
