Rescatados os 11 tripulantes dun pesqueiro galego que sufriu unha vía de auga preto de Irlanda
Segundo confirma Salvamento Marítimo, o pesqueiro sufriu a primeira hora da mañá o incidente, unha posible vía de auga con risco de afundimento, cando se atopaba a unhas 55 millas ao suroeste de Castletown
A tripulación, en bo estado de saúde, foi rescatada polo pesqueiro, tamén galego con bandeira francesa, Puenteareas Uno
Os 11 tripulantes do pesqueiro Radoche Tercero, con base en Celeiro e bandeira francesa, foron rescatados este mércores tras sufrir o buque unha vía de auga en augas próximas a Irlanda.
Segundo confirma Salvamento Marítimo, o pesqueiro sufriu á primeira hora da mañá o incidente, unha posible vía de auga con risco de afundimento, cando se atopaba a unhas 55 millas ao suroeste de Castletown (Irlanda). Aínda que esta zona de busca e rescate está baixo a responsabilidade do Reino Unido, o Centro Nacional de Coordinación de Salvamento colaborou na emerxencia.
▶️Emergencia de un pesquero en aguas próximas a Irlanda
— SALVAMENTO MARÍTIMO (@salvamentogob) October 22, 2025
▶️El pesquero Radoche Tercero (bandera francesa) ha sufrido a primera hora de la mañana un incidente —posible vía de agua con riesgo de hundimiento— cuando se encontraba a unas 55 millas al suroeste de Castletown (Irlanda);… pic.twitter.com/ACStsLSnEv
A tripulación, en bo estado de saúde, foi rescatada polo pesqueiro, tamén galego con bandeira francesa, Puenteareas Uno. Diríxense nestes momentos ao porto de Castletown, onde se espera que cheguen entre as 16:00 e as 17 horas.
O 'Radoche Tercero' é un arrastreiro que foi construído en 2001 e navega baixo bandeira francesa. A súa eslora é de 34,2 metros e a súa manga, de 7,7. O seu porto de destino era A Coruña.
