Rescatados catro nenos en estado crítico dun lago xeado de Birmingham

No Reino Unido, catro nenos foron rescatados en estado crítico dun lago xeado de Birmingham. Ao parecer, os cativos estaban xogando enriba del e caeron á auga ao romper o xeo. Os catro sufriron paradas cardíacas por mor das baixas temperaturas. Un amplo operativo de rescate busca na zona por se houbese máis vítimas.

O Reino Unido leva catro días sufrindo unha intensa vaga de frío, con temperaturas baixo cero en boa parte do país.