Repsol obtén unha axuda do Goberno de 133 millóns para producir hidróxeno verde na Coruña

Repsol busca producir na Coruña máis de 60.000 toneladas de hidróxeno verde en dez anos.

A axuda do Ministerio de Transición Ecolóxica está condicionada a que a empresa obteña a autorización ambiental no prazo de 24 meses.

O Instituto para a Diversificación e Aforro da Enerxía (IDAE) propuxo conceder a Repsol unha subvención máxima de 133,39 millóns de euros para desenvolver o proxecto Atlas, unha planta de produción de hidróxeno renovable que se instalará no complexo industrial da compañía na Coruña.

A finalidade será producir este combustible limpo para substituír ao hidróxeno gris, obtido a partir de combustibles fósiles.