Representantes de máis de 40 festas de recreación histórica desfilan por Lugo
Asociacións de toda España xúntanse cas da cidade para lembrarépocas como a dos íberos ou os romanos
Representantes de 41 celebracións que forman parte de Asociación Española de Festas e Recreacións Históricas (AEFRH) participaron este sábado en Lugo na súa asemblea anual ordinaria, celebrada pola no Círculo dás Artes, e decenas de membros sumáronse pola tarde ás que participan no Arde Lucus para desfilar polas rúas do centro da cidade.
A xornada de mañá comezou coa celebración da asemblea anual ordinaria desta organización, que tivo lugar no salón rexio do Círculo das Artes.
Tratáronse aspectos como o balance anual de actividades realizadas, a asistencia a eventos, a ratificación de novas festas que se incorporan á AEFRH, o balance económico ou a celebración dunha conferencia, entre outros actos.
Finalizada a convocatoria ordinaria, tivo lugar unha asemblea extraordinaria, coa elección da nova xunta directiva para outros catro anos como punto salientable.
Pola tarde desenvolveuse un dos actos lúdicos máis importantes da fin de semana, un desfile multitudinario polas rúas da cidade, con final na Praza de Santa María, que contou coa participación de decenas de grupos das 41 festas de recreación de toda España que se deron cita en Lugo.
Colocáronse nunha orde que tivo en conta unha cronoloxía ascendente, cos colectivos máis antigos á cabeza do desfile.
O concelleiro de Xuventude e responsable político da festa, Jorge Bustos, dixo que este desfile será “inesquecible”, mentres o alcalde de Lugo, Miguel Fernández, cualificouno como “o preámbulo perfecto para celebrar os 25 anos do Arde Lucus”.
“Reunimos na nosa cidade a algunhas das festas máis importantes de recreación histórica do noso país e fixémolo nun ano moi significativo para nós”, dixo o alcalde.
