Reparten desinfectante en Vigo para loitar contra os refugallos dos cans

Comerciantes de Teis en colaboración co Concello de Vigo repartiron no barrio 1.500 botellas de líquido desinfectante, para que cada dono de can poida limpar os excrementos ou os ouriños que o seu can deixe na vía pública.

Os comerciantes estaban preocupados pola situación das rúas despois de tantos días sen chover, e o Concello ofreceulles a posibilidade desta campaña, que foi un éxito porque xa non queda ningún desinfectante e porque tivo un efecto formativo e sensibilizador.

Campañas semellantes desenvolvéronse en Barcelona, Alcobendas ou Ferrol.