Remataron as probas cos prototipos antinéboa para o alto do Fiouco

Rematou a fase de probas dos prototipos experimentais de medidas antinéboa cos que se pretende facer máis seguro o treito da Autovía do Cantábrico que atravesa o alto do Fiouco, entre Mondoñedo e Abadín.

O delegado do Goberno en Galicia, José Miñones, cualificou de moi prometedores os resultados destas probas. Agora tocará avaliar cada un deses catro prototipos antinéboa de tecnoloxía innovadora e decidir cal ou cales se van empregar.