Rematan os controis covid-19 nos aeroportos españois
Tamén se eliminan os controis para os que cheguen por barco
Segue sendo obrigatorio usar máscara nos avións que cheguen ou saian de España e no resto do transporte público
A partir deste martes xa non haberá controis covid-19 no aeroportos españois.
O Boletín Oficial do Estado publica este luns a resolución do Ministerio de Sanidade, que restablece a normalidade completa nos aeroportos ao eliminar unha das poucas medidas anticovid-19 que quedaban vixentes.
Na práctica isto significa que os viaxeiros que cheguen a España por avión xa non terán que encher o formulario de control sanitario nin presentar o certificado de vacinación.
En xuño elimináranse estas medidas para os viaxeiros do espazo Schengen e agora esténdese ao resto os viaxeiros do resto de países.
O Goberno toma esta decisión segundo recolle o BOE para favorecer a normalización da mobilidade internacional e tendo en conta a evolución da pandemia.
Tamén se eliminan estes controis para os que cheguen por barco.
O que si se mantén é a obrigatoriedade de usar máscara nos avións que cheguen ou saian de España e mais no resto dos servizos de transporte.
