Remata o tempo de comer nécora galega fresca porque estarán en veda ata o verán

Despois do elevado custo alcadado nos días fortes do Nadal, o prezo da nécora galega, un dos mariscos máis apreciados, tende agora a normalizarse. Pero dende mañá á medianoite non poderá capturarse, xa que estarán vedadas ata o verán.

Segundo datos de PescadeGalicia este ano colléronse máis de 110.000 quilos, cun valor de primeira venda nas lonxas de máis de dous millóns de euros.

No mercado de abastos compostelán xa non era fácil atopar as últimas nécoras, xa que o mal tempo non está a deixar collelas antes de que comece a veda.