Regresan os atranques na comarca compostelá co desfile dos xenerais da Ulla

E saíron tamén este domingo pola tarde os xenerais da Ulla e o coro de bonitos. Foi na parroquia do Eixo, no campo de Santa Lucía, onde puidemos ver os tradicionais atranques.

Un acto especial este ano, que xuntou os xenerais de catro parroquias compostelás con esta tradición: Angrois, Aríns, Marrozos e O Eixo. Celebraban así que por fin volvía en parte o Entroido de sempre, despois da ausencia pola pandemia.