Recoñecen o traballo pola integración laboral de persoas con discapacidade
A Consellería de Política Social e os concellos de Lugo e Carballo recibiron o premio anual de CESAGAL
A entidade tamén recoñeceu o traballo dos conselleiros de emprego dos últimos 25 anos
A Asociación Galega de Centros Especiais de Emprego sen Ánimo de Lucro (CESAGAL) entregou en Ourense os seus premios anuais a persoas ou entidades que traballan pola integración laboral das persoas con discapacidade.
Os galardoados desta edición son a Consellería de Política Social e os alcaldes de Lugo e Carballo. Houbo un recoñecemento especial para todos os conselleiros de Emprego dos últimos 25 anos, que son os que cumpre a asociación de empresas de emprego inclusivo.
Nese acto o presidente da Xunta dixo que Galicia será máis grande canto máis saiba ver a riqueza na diversidade.
