Sánchez culpa as comunidades gobernadas polo PP dos malos resultados de PISA
O presidente asegura que o Executivo mutiplicou por dous os investimentos en Educación con respecto ao anterior Goberno e acusa o PP de non exectar recursos nos seus territorios
Feijóo afirma que o "socialismo educativo" foi "o maior dos fracasos da historia democrática" de España
Primeira sesión de control ao Goberno no Congreso tras as vacacións do verán, marcada pola crise de Ceuta e polo último informe Pisa que reflicte os peores resultados en materia educativa dos últimos anos.
O presidente do Gobierno, Pedro Sánchez, responsabiliza as comunidades autónomas gobernadas polo Partido Popular dos malos resultados escolares mostrados polo informe PISA.
No seu cara a cara no Congreso co líder do PP, Alberto Núñez Feijóo, Sánchez dixo que hai comunidades autónomas do Partido Popular que non executan os recursos destinados á educación e afirmou que o Executivo multiplicou por dous o investimento no Ministerio de Educación respecto ao goberno anterior.
Para Feijóo, o primeiro exame "ao socialismo educativo" foi "o maior dos fracasos da historia democrática" de España.
Na sesión, Feijóo acusou o Goberno de "manipular o censo" a través da chamada Lei de Netos, que concede a nacionalidade española aos fillos e netos de exiliados españois; unha lei suspendida de forma cautelar polo Tribunal Supremo. O presidente do Goberno acusa ao PP e Vox de "cercenar" o seu dereito ao voto.
