Rácing e Arenteiro ofrecen unha primeira parte moi entretida

Empate a dous no amigable que xogaron no Couto o Arenteiro e o Rácing de Ferrol. Os dous equipos fixeron moitas probas e, aínda así, ofreceron unha primeira metade moi entretida. 

Nese primeiro tempo chegaron os catro goles. Manzanara adiantou o Rácing. Respostou o Arenteiro con dous goles en xogadas a balón parado. O un a un anotado polo central Samu Santos, asinado do Pontevedra, e o 2-1 foi marcado por Martín Lamelas, ex do Bergantiños. O definitivo empate foi obra de Manu Justo, outra das fichaxes para esta temporada do Rácing.