Queixas polo mal estado do estacionamento público ás portas do Hospital de Lugo

A brincos van os vehículos que entran neste estacionamento público municipal. É o coñecido popularmente como o leiraparking, un estacionamento ás portas do hospital.

Din os veciños que é un servizo moi necesario, pero que o seu estado é deplorable.

Ante a adversidade hai que botar man da retranca. E os que se atopan coa situación por primeira vez quedan abraiados.

Non hai por onde esquivar as fochancas, cómpre pasar moi amodiño para non estragar os vehículos.

A Federación de Asociacións Veciñais contabilizou máis de 250 fochancas e reclaman que se arranxe e se asfalte a zona.

Dende o Concello sinalan que o mantemento da zona se fai semestralmente e sinalan que están a estudar a posibilidade de asfaltar o aparcadoiro.