Queixas dos veciños da Escravitude, en Padrón, polo abandono da zona
Queixas dos veciños da Escravitude, en Padrón, polo abandono da zona
Denuncian o estado da estación de ADIF, os problemas co tráfico e a falta de sumidoiros
A situación no lugar da Escravitude, en pleno Camiño de Santiago, ten moi molestos os veciños da zona. Denuncian un abandono de longa duración por parte do Concello e tamén por parte do Ministerio de Transportes, titular desta estrada nacional que une Padrón e Santiago, e tamén de ADIF, entidade adscrita ao mesmo ministerio.
As deficiencias son variadas, falta de sumidoiros, beirarrúas e beiravías, ausencia dunha rotonda no principal cruzamento da parroquia proxectada hai máis xa de 20 anos. Iso é o vertedoiro no que se converteu a inutilizada estación de tren.
Nun lugar con tanto tránsito de peregrinos, os veciños non entenden que non se coide máis a imaxe e os servizos da zona. Esixen actuacións urxentes neste lugar para solucionar o abandono que sofren dende hai xa demasiado tempo.
