Quedan libres dous dos investigados polo crime do pozo do Porriño

A sección segunda da Audiencia Provincial de Pontevedra estimou o recurso presentado polos investigados polo caso do cadáver dun home atopado nun pozo do partido xudicial do Porriño e acordou a súa posta en liberdade.

Dous dos investigados atopábanse en prisión provisional comunicada e sen fianza, e un terceiro, en liberdade. 

A sala entende que non concorren os supostos para manter a súa situación de prisión.

Continúan como investigados e acordouse a retirada dos seus pasaportes e que asinen ante a Garda Civil do Porriño cada 10 días.

Mantense a liberdade do terceiro investigado. Todo iso mentres avanza a investigación.