Quedan en liberdade con cargos os detidos nunha operación antidroga na zona do Ensanche
Os detidos están acusados dos delitos de tráfico de drogas, usurpación de ben inmobles e tenza ilícita de armas
O xulgado decretou tamén o desaloxo inmediato das vivendas ocupadas
O Xulgado de Instrución número 3 de Santiago decretou liberdade para as catro persoas que foron detidas este venres nun operativo contra o tráfico de drogas en narcopisos do Ensanche de Santiago de Compostela, aínda que continúan sendo investigadas.
Segundo precisou fontes do Tribunal Superior de Xustiza de Galicia, estas persoas están a ser investigadas por un delito de tráfico de drogas, usurpación de bens inmobles e tenza ilícita de armas.
Os arrestados, que pasaron na mañá deste sábado a disposición xudicial, teñen ademais a obriga de desaloxo inmediato das vivendas ocupadas.
O operativo policial do venres desenvolveuse en inmobles que supostamente operaban como punto de venda de droga e iniciouse tras unha serie de denuncias veciñais no centro da cidade.
Os axentes rexistraron varios pisos nos que se sospeitaba que se vendían estupefacientes. Neles, ademais de diferentes tipos de drogas, interviñéronse de armas.
A veciñanza leva tempo denunciando o aumento destes narcopisos na cidade.
