Galicia pon de moda os 'souvenirs' gastronómicos

Din que cada vez é máis frecuente que os turistas leven para a casa peixe ou marisco. Habelos poida que os haxa, pero o malo é dar con eles. Os que levan como recordo percebes e centolas non son un animal mitolóxico pero non abondan e non adoitan ser os que van en avión.

O que está de moda é que o sabor de Galicia sexa a lembranza que os viaxeiros queren compartir de volta aos seus países. Por iso marcas de conservas, chocolates ou tortas perfeccionan as embalaxes para facer do bocado un agasallo.