Tranquilidade nas tendas na primeira fin de semana de rebaixas de xaneiro

Primeira fin de semana de rebaixas nas rúas e nos centros comerciais de Galicia. Na contorna da rúa do Príncipe vimos establecementos con descontos de ata o 70 %, pero con medias de 30 % ou 40 %

Os clientes cos que puidemos falar están bastante satisfeitos  da campaña deste ano. Abrigos, calzado, roupa interior ou obxectos para o fogar son as adquisicións máis habituais.

Os estudios apuntan a que cada galego gastará 85 euros nesta campaña. Os máis previsores acoden os primeiros días e cos prezos anteriores aprendidos, os menos avezados acaban mercando a nova colección.