Primeira acampada propalestina en España no campus da Universidade de Valencia
Primeira acampada propalestina en España no campus da Universidade de Valencia
A xuventude acampada reclama unha ruptura das relacións diplomáticas con Israel mentres dure o conflito de Gaza
A Universidade de Valencia converteuse no escenario dunha acampada de mocidade propalestina, que é a primeira destas características en España e da cuarta en Europa.
Os protagonistas non só piden que o Goberno español rompa relacións con Israel mentres dure a guerra, senón tamén que free a venda de armas a este país. Ademais, reclaman a fin das leis mordaza e de estranxeiría. Pola noite só acampan unhas ducias de universitarios, pero durante o día súmase moita máis xente, que achega comida ou cartos para axudar.
A mocidade implicada na protesta pídelle tamén á Universidade valenciana un compromiso por escrito para non asinar ningún tipo de acordo con organismos israelís. A institución académica respondeu sinalando que non mantén ningún convenio con Universidades israelís e amosouse a favor dun cesamento do fogo permanente en Gaza.
