Preséntase unha nova biografía revisada de Novoneyra

Celébrase esta fin de semana a décima edición do Festival dos Eidos, un festival que podería definirse como tres días de festa poética, música e rutas patrimoniais.

No curral da casa na que naceu Novoneyra, en Parada, no Courel, celébrase parte do festival. Oriana Méndez, Jauma Coll Mariné, Isolda Santiago e Mohamad Bitari son algúns dos poetas que len a súa propia obra e tamén poemas escollidos do Libro do Courel.

Muhamad é o tradutor dos Eidos ao árabe. Para el "é moi importante facer esta tradución" debido á calidade da obra do poeta.

O obxectivo do festival é que a obra de Novoneyra acade novas lecturas.

Este domingo Antón Lopo e Manuel Jabois presentan A Distancia do Lobo, unha biografía revisada do poeta do Courel.