Publicador de contidos

Publicador de contidos

Preocupación en Silleda pola queima de varios colectores no último mes

Preocupación en Silleda pola queima de varios colectores no último mes

Polo de agora os estragos non foron máis alá dos contedores, pero o risco de danos máis graves inquieta a veciños e autoridades

Alguns dos colectores queimados que foron retirados
G24.gal 29/03/2023 12:48

En Silleda están en alerta porque no último mes prendéronlles lume a 11 colectores en distintas rúas. Por sorte non causaron máis dano. 9 deles arderon de noite e outros dous ao mediodía, o que parece indicar que o autor ou autores buscan non ter testemuñas.

Desde a Policía Local apelan á colaboración cidadá para acabar con estes actos vandálicos.

O último deles foi este luns contra as 2 da tarde na rúa María Colmeiro. O domingo ardeu outro en Pintor Colmeiro ás 9 e media da noite. Por sorte, os bombeiros actuaron con celeridade e non houbo que lamentar máis danos en ningún caso.

9 dos incendios, supostamente intencionados, producíronse de noite, e outros dous á hora de comer, polo que intúen que o autor ou autores buscan evitar testemuñas. A sucesión destes actos vandálicos preocupa porque, aínda que polo de agora os estragos foron menores, se o lume se propaga podería causar danos graves.

A Policía Local apela á colaboración cidadá para acabar con estes actos vandálicos e dar co autor ou autores.

Publicidade
Publicidade
Publicidade
Publicidade