Atracan por segunda vez en 48 horas un supermercado da Coruña
Os veciños sinalan varios narcopisos detrás da vaga de roubos no barrio de Oza A Gaiteira
Na Coruña, novo atraco, coitelo en man, no mesmo supermercado do barrio da Gaiteira. En apenas 48 horas dous asaltos moi semellantes pero protagonizados por individuos distintos,
A preocupación medra. Volveuse repetir o atraco perpetrado co mesmo modus operandi. O ladrón desta volta levou menos cartos pero volveu ameazar cun coitelo a caixeira e fuxiu de novo á carreira.
Varias testemuñas aseguran que o viron entrar no mesmo edificio que no anterior atraco. Algúns veciños confirmaron hoxe que se trata doutro piso onde se trafica con drogas e hai un movemento constante de toxicómanos. Está a só 100 metros de distancia da vivenda ocupada que ardeu o sábado pasado.
Non se fala doutra cousa neste popular barrio coruñés. A tranquilidade non é a mesma que hai uns anos. Os roubos son demasiado habituais. Poucos negocios líbranse dos asaltantes. A policía ten constancia de polo menos dous narcopisos nos arredores.
A rápida intervención dos bombeiros axudou a extinguir un incendio nun deles na madrugada da fin de semana. Os veciños levan anos denunciando a actividade da vivenda ocupada. Está previsto que sexa desaloxado por orde xudicial a finais de mes. A veciñanza pensa que suporá un pequeno alivio sempre que non decaia a presenza policial na zona.
