Poucas capturas e prezos altos no mercado

Hainos previsores, pero hai tamén quen agarda ata o último momento para decidir o menú da cea desta noite. E se a opción elixida é peixe ou marisco, houbo que preparar o peto, porque o habitual nestas datas é que os prezos suban.

Tamén inflúe o temporal que houbo a comezos de semana, o que se traduce en escaseza de produtos.

Din os vendedores da praza que as novas restricións da hostalería están facendo que aumente un pouco a clientela. Moitos que ían cear fóra e cancelaron achéganse buscando alternativas.