Pechadas ao baño varias praias de Vigo debido a unha vertedura de augas fecais na zona de Alcabre

A Policía Local prohibiu o baño en varias praias de Vigo na tarde deste luns debido a unha vertedura "bastante forte" de augas fecais na zona de Alcabre.

Foi sobre as 15.00 horas cando varias chamadas advertiron da situación e os policías se desprazaron ao punto.

Unha vez alí, os axentes informaron aos bañistas do ocorrido e prohibiron o baño nas praias de Alcabre e do Museo do Mar.

Usuarios dos areais comentaron que o cheiro era perceptible na zona, aínda que se descoñece por agora o punto concreto da vertedura.