Pechados seis dos doce polígonos de mexillón da ría de Vigo por marea vermella

Novo episodio de marea vermella na ría de Vigo. Seis dos doce polígonos de bateas de mexillón instalados na zona permanecen pechados. 

Queda prohibida a extracción dos moluscos bivalvo debido á presenza da toxina lipofílica, segundo determina o Instituto Tecnolóxico do Control do Medio Mariño. As plataformas mexilloeiras de Redondela seguen polo momento abertas. A marea vermella é un fenómeno natural producido pola presenza de microalgas. A súa toxicidade pode supoñer un risco para a saúde humana.