Paula Prado: "Con Ábalos no cárcere enténdese que as prioridades do seu Ministerio eran outras"

Paula Prado adiantou que Galicia estará “ben representada” na concentración de Madrid do domingo liderada polo presidente Alfonso Rueda. 

A secretaria xeral do PPdeG sinalou que agora, con Ábalos no cárcere, “pódese entender que as prioridades do seu Ministerio eran outras e non, por exemplo, o dereito ao tren de Ferrolterra, Eume e Ortegal”.

Desde Ortigueira, Paula Prado defendeu a mellora do ferrocarril para a comarca de Ferrol e destacou a manifestación que terá lugar este domingo ás doce e que percorrerá as rúas da cidade para reclamar un tren de calidade propio do século XXI.

"En Galicia vemos como nesta comarca están totalmente afastados, mañá mesmo hai unha manifestación na comarca de Ferrolterra, Eume e Ortegal para demandar esa infraestrutura tan importante que é o tren e aí tamén estará o Partido Popular", dixo.