Cargando resultados...
Prisión provisional para o home acusado de acoitelar unha muller en Oleiros
O agresor abordou a muller cando ía traballar, acoitelouna polas costas e rouboulle o móbil
Despois usou os datos bancarios que había no teléfono da vítima para facer varias compras
G24.gal
06/05/2022 14:29
Última actualización 06/05/2022 19:45
Ingresa en prisión o home acusado de acoitelar unha muller polas costas hai dúas semanas en Perillo para atracala.
O home está investigado por roubo con intimidación e violencia, lesións, roubo con forza nunha vivenda habitada e delito de estafa.
O agresor é un home de 34 anos. Segundo fontes da investigación, abordou a vítima cando ía traballar, acoitelouna polas costas e rouboulle o móbil.
Posteriormente, o agresor usou os datos bancarios que había no teléfono da vítima para facer varias compras. Dende aquela, a Garda Civil seguíalle a pista.
.jpg)
