Paradas de produción no sector siderúrxico para sortear a suba da electricidade
Siderúrxicas coma Megasa xa están facendo paradas de produción nas horas coa luz máis cara
A patronal calcula que o sobrecusto só este ano superara os 650 millóns de euros
A Asociación de Empresas con Gran Consumo de Energía advirte que, de seguir así, en 2027 a situación será insostible
Alarma no sector industrial. A siderurxia española afógase polos custos da enerxía. As fábricas xa paran temporalmente nas horas máis caras do día. É o caso de Megasa, en Narón.
O sector calcula que afrontará un sobrecusto de 658 millóns en 2026, concentrado sobre todo no último trimestre do ano polo encarecemento da luz e o gas .
Para evitar o colapso, esixen ao Goberno un plan de choque urxente
Elevar as axudas ao CO2 a 1.000 millóns, blindar a rebaixa do 80 por cento nas peaxes, abaratar os chamados servizos de axuste e, sobre todo, limitar por lei o impacto do prezo do gas no mercado eléctrico.
A resposta do Goberno foi de man tendida, pero sen solucións á vista O Executivo di entender a gravidade da situación, pero recoñece que ten un problema de orzamento. Comprométese a buscar fórmulas compatibles coa lexislación europea
Sen medidas inmediatas, a unión de empresas siderúrxicas advirte que periga a competitividade dun sector estratéxico que sostén 2 millóns e medio de empregos industriais.
