Os alcaldes do Morrazo din que non hai volta atrás coa suba do recibo do lixo e condenan as protestas veciñais
Os alcaldes do Morrazo din que non hai volta atrás coa suba do recibo do lixo e condenan as protestas veciñais
Con incrementos de ata o 500 por cento, hai negocios que pasan de pagar 300 euros a máis de 2.000 en cada recibo
Os tres alcaldes do BNG aseguran que o funcionamento do servizo pasa pola suba do recibo para renovar os contedores, modernizar a flota ou manter os centros de compostaxe
Os tres alcaldes que conforman a mancomunidade do Morrazo aseguran que o funcionamento do servizo pasa pola suba do recibo do lixo que permitirá renovar os contedores, modernizar a flota ou manter os centros de compostaxe entre outras melloras.
A suba na taxa preocupa entre os negocios do Morrazo. Hai establecementos que pagan cotas fixas e outras variables. Con incrementos de ata o 500 por cento, hai negocios que pasan de pagar 300 euros a máis de 2.000 en cada recibo.
A nova ordenanza foi aprobada nun pleno, con centos de veciños e profesionais protestando. A tensión incrementouse e os rexedores de Bueu, Cangas e Moaña saíron escoltados pola Garda Civil. Os tres alcaldes condenaron os feitos e rexeitaron a violencia das protestas.
