Panxón agarda esta noite entre 60.000 e 80.000 persoas

No sur as cacharelas de máis sona son as de Panxón. Alí agardan entre 60.000 e 80.000 visitantes. Teñen previsto xa cómo recoller as vinte toneladas de lixo xeradas e montaron un gran dispositivo de seguridade con hospital de campaña e corredor de evacuación.

Unha das peixerías da vila  vendeu preto de 100 quilos de sardiña a 10 euros. Duascentas persoas integran o dispositivo de seguridade, entre eles, Policía Local, Autonómica, Garda Civil e Protección Civil, e teñen tamén un hospital de campaña e un corredor de seguridade.

A comisión de festas estima que se xerarán vinte toneladas de lixo que van ser recollidas desde as cinco da mañá por voluntarios, para que os primeiros da mañá podan tamén gozar da praia.