Panxoliñas e estrelas do Nadal levan esperanza a Ucraína en medio da guerra

No medio dos ataques rusos e entre tanta incerteza, os ucraínos encontran unidade e certa esperanza nas panxoliñas e outras celebracións do Nadal.

A pesar do frío, unha multitude vestida de festa encheu este domingo o centro de Leópolis, no oeste de Ucraína, para participar no desfile anual de portadores de estrelas.

Moitos levan estrelas feitas a man, símbolos da Estrela de Belén, de madeira e de papel de cores, que son propias das tradicións cristiás e populares de Ucraína.

Tamén grupos festivos percorren as rúas porta a porta visitando casas e cafés cantando panxoliñas.