Padrón vive o luns de Pascua con máis tranquilidade que na fin de semana

Tras o balbordo da fin de semana, Padrón celebra hoxe o luns de Pascua. Unha xornada festiva local e moito máis tranquila en que os padroneses gozan das súas festas grandes. 

Aseguran que había ganas de festa tras dous anos de pandemia.

Xigantes e cabezudos, pasacalles, bandas de música poñen este luns de Pascua a nota festiva a unha xornada en que a afluencia de visitantes é menor.

Porque a Festa da Pascua de Padrón, recentemente declarada de Interese Turístico de Galicia, continúa ata o vindeiro 24 de abril coa celebración da Pascuíña.