Pablo Gavián, xogador do Fortuna, sofre unha rotura do ligamento cruzado

Pablo Gavián sofre unha rotura do ligamento cruzado anterior do seu xeonllo dereito tras sufrir unha lesión durante o encontro disputado entre o Celta Fortuna e o Córdoba CF o pasado sábado en Balaídos.

O xogador celeste sufriu unha contusión e torsión no xeonllo dereito durante o partido, o que obrigou a realizarlle unha exploración médica para determinar o alcance da lesión. As probas confirmaron a rotura do ligamento cruzado anterior e Gavián someterase a unha intervención cirúrxica nos vindeiros días.