Outra moza asasinada convértese en símbolo das protestas das iranianas

As protestas das mulleres iranianas contra as imposicións do réxime teocrático continúan con forza e, lamentablemente, seguen a sumar tamén máis vítimas mortais.

A familia dunha rapaza de case 17 anos, Nika Shakarami, denuncia que atoparon o seu corpo nun depósito de cadáveres de Teherán, e que as autoridades a levaron. Era moi activa nas protestas pola morte de Mahsa Amini.

Hai versión oficial: detiveron oito persoas e a axencia de noticias estatal divulgou imaxes dela, presuntamente das súas últimas horas con vida.